Kvamsøy og Fresvik sette farge på adventsymjinga

TRIVSEL: Den nye varmestova i Kvamsøy er ideell for vintersymjarar, frå venstre Reidun Strand, Øydis Bøthun, Guttorm Flatabø og Marit Vannes (i døra).

Foto: Terje Eggum

LANGGRUNT: Med utfjøra vatn må ein langt ut for å bli skikkeleg våt.

Foto: Terje Eggum

STEINKYRKJA: Reidun og Øydis med meiddelaldrekyrkja i bakgrunnen, Kvamsøy er spennande.

Foto: Terje Eggum

ROMSLEG: Fire stampar stod til disposisjon då fjordsymjarane inntok Fresvik for adventbading.

Foto: Terje Eggum

FJORDNÆRT: Det er tre meter mellom idyllen i stampen og utfordringa i desemberfjorden.

Foto: Terje Eggum

KVAMSØY: Kvamsøy er årets nye arena for adventsymjing. Søndag var fem fjordsymjarar på plass, fire gjekk i vatnet mellom fastlandet og fjordens største øy.

Kvamsøy har varmestove på fire høge bein og høveleg klesskifte i den nyss oppførde grillstova. Staden er komplett for vintersymjarar etter den siste tilveksten. Marit Vannes frå Balestrand møtte fjordsymjarane frå Fresvik, Sogndal og Leikanger med varm stove. Fresvik stod på køyreplanen den andre adventssøndagen. Hege og Dee sitt anlegg ved fjorden er som skapt for vinterbading, fire varme stampar, tre meter god kai og fjorden, den svarte, kalde, herlege adventsfjorden.

Fresvik samla tretten fjordsymjarar, åtte frå Leikanger, ein frå Vik og fire frå Fresvik. Dei hadde ei yr stund, med Øydis Bøthun som framifrå arrangør.

Komande søndag er tida inne for årets siste adventsymjing. Det skjer på Nokkaneset. Sogn fjordsymjeklubb bur seg på ein stor symjesøndag, fire dagar før julaftan. Velkomne.