Åtte på julebordbading

Åtte av ti julebordgjester hivde seg i novemberfjorden, frå venstre Torbjørn Hasund, Terje Eggum, Bernt Skogsrud, Sønnøve Cirotzki, Øydis Bøthun og Odda Hildeskår. Reidun Strand og Dee Cunningham var også i vatnet.


Vertsskapet ved Sognefjord Hotell, fjordsymjeklubben sine alltid trufaste støttespelarar, ventar eit fjerde familiemedlem i februar. På 1. advent kunne Lisett og Jack informera klubben om at det kom til å bli ein veslebror for Christian.

LEIKANGER: Fjordsymjeklubben hadde julebord på Sognefjord Hotell fredag 19. november.

Men før bordsæta kvesste fjordbadarane matlysta i fjorden. Me var åtte som hoppa i Pilaviki. Minus i lufta, måne på himmelen og ørlite for varmt i vatnet (anslagsvis 7-8 grader).

Men for ein herleg start julebordet!

Etterpå koste ti personar med Siv Eggum sin julemat, Terje sine Everestbilete og masse mimring frå årets aktivitetar.